Azərbaycan və Özbəkistan zərgərlik müəssisəsinin inşası haqqında razılığa gəliblər

02.08.2022,15:03


2 avqust, Fineko/abc.az.  Xəbər verdiyimiz kimi, Daşkənddə Özbəkistanın investisiyalar və xarici ticarət naziri Cəmşid Xocayevin və Azərbaycanın iqtisadiyyat naziri Mikayıl Cabbarovun sədrliyi ilə Özbəkistan və Azərbaycan arasında əməkdaşlıq üzrə Birgə Hökumətlərarası Komissiyanın 11-ci iclası keçirilib.

ABC.AZ xəbər verir ki, investisiya əməkdaşlığı və sənaye sahəsində əməkdaşlıq məsələlərinin müzakirəsi çərçivəsində tərəflər Bərdə şəhərinin yaxınlığındakı altı rayonda ipək istehsalı klasterinin yaradılması, Yevlax pilot aqroparkında və Ağdam sənaye parkında yeni layihələrin işlənib hazırlanması, Daşkənddə zərgərlik məmulatlarının istehsalı üzrə birgə müəssisəsinin təşkili, o cümlədən kimya sənayesi, energetika və neft-qaz sənayesi sahələrində əməkdaşlığı inkişaf etdirmək razılığa gəliblər.