Azərbaycan “Əsrin müqaviləsi” çərçivəsində 258 milyon ton mənfəətli neft hasil edərək satıb

31.05.2018,13:04

31 may, Fineko/abc.az. Mayın 1-nə olan vəziyyətə görə, Azərbaycan “Azəri-Çıraq-Günəşli” (AÇG) yataqlar blokundan 258 milyon ton mənfəətli neft satıb.

Azərbaycan Dövlət Neft Şirkətinin (ARDNŞ) birinci vitse-prezidenti Xoşbəxt Yusifzadə bildirib ki, mənfəətli neft, AÇG-dən hasil edilən bütün neftin dünya bazarında satılan 60%-ni təşkil edir.

“Azərbaycan artıq 19 ildir ki, mənfəətli neft əldə edir. İşləmənin əvvəlindən (1997-ci il)  bu ilin 1 may tarixinə qədər AÇG-dən 455 milyon ton neft və 145 milyard kubmetr qaz hasil edilib”, - deyə vitse-prezident bildirib.