"Vijn Fond Azərkredit" MMC kreditorların tələblərini nə vaxt ödəyəcək?

29.09.2022,17:30


29 sentyabr, Fineko/abc.az. Ləğv prosesində olan "Vijn Fond Azərkredit" MMC bank olmayan kredit təşkilatı (BOKT) kreditorlarının tələblərini ödəməyə başlayacaq.

ABC.AZ bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, ötən gün BOKT-un təsisçilərinin ümumi yığıncağı keçirilib. Yığıncaqda kredit təşkilatının, hüquq və vəzifələri varislik qaydasında başqa şəxslərə keçmədən ləğv edilməsi barədə qərar qəbul edilib.

Kreditorlar tələblərini 2 ay ərzində Bakı Şəhəri, Yasamal rayonu, İzmir küçəsi, 8 ünvana bildirə bilərlər. Ödənişi növbəlilik qaydasında ləğvetmə komissiyası həyata keçirəcək.