Bəzi ölkələr gələn il tənəzzüllə üzləşə bilər – BVF rəsmisi

04.10.2022,12:30


4 oktyabr, Fineko/abc.az. Dünya ölkələri düzgün vergi-büdcə siyasətinə sadiq qaldıqları təqdirdə qlobal tənəzzüldən qaça bilərlər. Amma, bu o demək deyil ki, bəzi ölkələr tənəzzüldən xilas olacaq. Gələn il bir çox ölkələrin hələ də tənəzzüllə üzləşmə ehtimalı var.

ABC.AZ xəbər verir ki, bunu Beynəlxalq Valyuta Fondunun (BVF) idarəedici direktoru Kristalina Georgiyeva deyib.

"Qlobal tənəzzülün qarşısı alına bilər. Bunun üçün mərkəzi bankların pul-kredit siyasətinin sərtləşdirilməsinə uyğun olaraq hökumətlərin vergi-büdcə siyasətləri olmalıdır. Yenə də gələn il tənəzzülə düçar olacaq ölkələr ola bilər", - deyə agentlik onun sözlərini sitat gətirib.