“Azəri Light” markalı neftin qiyməti endi

05.06.2018,10:42


5 iyun, Fineko/abc.az. “Azəri Light” markalı neftin bir barelinin qiyməti dünya bazarında 1,32 dollar (1,7%) azalıb.

Hazırda “Azəri Light” markalı xam neftin qiyməti bir barelə 76,34 dollar təşkil edir.

“Azəri Light” neftinin minimal qiyməti 2001-ci ilin dekabr ayında (19,15 dollar),  maksimal qiyməti isə 2008-ci ilin iyul ayında (149,66 dollar) qeydə alınmışdır.

Nyu-Yorkun “NYMEX” («New York Merchantile Exchange») birjasında  “WTI” markalı neftin iyul ayının fyuçersinin  qiyməti  keçən ticarətin yekunlarına qarşı  0,28 dollar (0,43%) yüksəlib (bir barelə 64,75 dollar) və hazırda 65,03 dollar/barelə təşkil edir.

Londonun “ICE” birjasında (InterContinental Exchange Futures) “Brent” markalı neftin iyul fyuçersinin qiyməti keçən ticarətin yekunlarına qarşı  0,16 dollar (0,21%) yüksəlib (bir barelə 75,29 dollar) və hazırda 75,45 dollar / barelə təşkil edir.

“Brent” neft markası ilə “WTI” markası arasındakı qiymət fərqi hazırda 11,42 dollar / barelə təşkil edir.