Dəmir Bank”-ın əmlakı hərraca çıxarılır

11:09 - 11.11.2022


11 noyabr, Fineko/abc.az. Noyabrın 16-da, saat 11:00-da "Bakı Hərrac Mərkəzi" MMC-də (Bakı şəhəri, Səbail rayonu, Badamdar qəsəbəsi, Badamdar şossesi, 27) ləğv prosesində olan “Dəmir Bank” ASC-nin daşınmaz əmlakı açıq hərraca çıxarılacaq.

ABC.AZ Azərbaycan Əmanətlərin Sığortalanması Fonduna (ADIF) istinadən xəbər verir ki, söhbət Gəncə şəhəri, Kəpəz rayonu, Cavad bəy Şıxlinski küçəsində yerləşən 3 498,2 kv.metrlik qeyri-yaşayış sahəsindən gedir.

Əmlaka 290 min manat qiymət qoyulub. Hərrac iştirakçıları bu məbləğin 5%-ni beh kimi hərrac təşkilatına ödəməlidir. Alış qiyməti isə 7 təqvim günü ərzində sifarişçinin hesabına ödənilməlidir.

Hərracda iştirak etmək üçün fiziki şəxslər şəxsiyyət vəsiqələrini, hüquqi şəxslər isə təsis sənədlərini təqdim etməlidirlər. Telefon: (050/055) 206-66-67.

Bütün xəbərlər