İyulun 1-dən Azərbaycanda yeni idxal-ixrac qaydaları qüvvəyə minir

17:18 - 7.06.2018

7 iyun, Fineko/abc.az. Dövlət Gömrük Komitəsinin sədri Səfər Mehdiyev və Qida Təhlükəsizliyi Agentliyinin sədri Qoşqar Təhməzli idxal-ixrac əməliyyatlarında tətbiq ediləcək yeni qaydaları müzakirə etdilər.

Agentliyin məlumatında deyilir ki, qida məhsullarına şamil olunacaq yeni qaydalar iyulun 1-dən qüvvəyə minir.

“Tərəflər yeni qaydaların tətbiq edilməsi mexanizmlərini müzakirə ediblər. Qurumların rəhbərləri Bakı Baş Gömrük İdarəsinin zalında məhsullarının gömrük rəsmiləşdirilməsi prosesini əyani şəkildə izləyib, idxal-ixrac proseslərinin sadələşdirilməsi ilə bağlı məlumatlandırıblar”, - məlumatda belə deyilir.

 

Bütün xəbərlər