Türkiyə şirkəti Bakı Limanında 30 milyon dollarlıq layihə həyata keçirəcək

16:05 - 14.11.2022

14 noyabr, Fineko/abc.az. Türkiyənin “Albayrak” şirkətlər qrupunun Bakı Limanında həyata keçirdiyi layihələrin ümumi dəyəri ilkin mərhələdə 30 milyon ABŞ dolları olacaq.

ABC.AZ Bunu holdinqin logistika üzrə direktoru Harun Öncü deyib.

O, qeyd edib ki, artıq 4 milyon ABŞ dolları dəyərində mobil kran alaraq onu Bakı Limanına gətiriblər:

"Bu kranla limana yük gətirənlərə xidmət ediləcək. Təcrübəli əməkdaşlarımızı layihələrimiz üçün cəlb etmişik".

H.Öncünün sözlərinə görə, gələcəkdə layihələrin sayının artacağı istisna edilmir: "Bakı Limanında başqa birgə layihələr də həyata keçirə bilərik".

 

Bütün xəbərlər