Ağdamda dəmiryolu üçün avadanlıq istehsal edən zavod tikiləcək

22.11.2022,16:54

22 noyabr, Fineko/abc.az. Azərbaycanın işğaldan azad edilmiş ərazilərində işləmək və istehsalla məşğul olmaq istəyən şirkət və sahibkarların sayı artmaqdadır.

İqtisadiyyat Nazirliyindən ABC.AZ-a daxil olan məlumata görə, artıq bu ərazilərdə yaradılan ilk istehsal klakterində - Ağdam Sənaye parkında rezidentlik alan – burada istehsal qurmaq barədə planları təsdiqlənmiş müəssisələrin sayı 12-yə çatıb. Bu şirkətlərdən biri də "Rail Trans Service" MMC-dir.

"Rail Trans Service" MMC-in Ağdamda inşa edəcəyi zavod onun ilk istehsal müəssisəsi olacaq. İndiyədək şirkət bu məhsulların ölkəyə idxalı ilə məşğul olub.

Müəssisənin təsisçisi və direktoru Vüsal İsmayılzadə əslən Ağdam rayonundandır. Azərbaycanda uzun müddət dəmiryol sahəsində böyük layihələrinin icrası ilə məşğul olub. Azərbaycanda və Rusiyada uzun müddətdir böyük layihələri icraçısıdır.

Şirkət Ağdam Sənaye parkında inşa edəcəyi zavodda dəmiryolu üçün istifadə olunan avtomatika və mexanika avadanlıqları qısa müddətdə istehsalına başlamağı planlaşdırır.