"Viator Mikro Kredit Azərbaycan" nın istiqrazları Bakı Fond Birjasında listinqə daxil edildi

23.11.2022,14:53


23 noyabr, Fineko/abc.az. 21 noyabr 2022-ci il tarixində Bakı Fond Birjasının (BFB) Listinq Komitəsinin qərarı ilə BOKT “Viator Mikro Kredit Azərbaycan” MMC-nin ümumi dəyəri 350,000 manat olan istiqrazları standart bazar seqmentində listinqə daxil edilmişdir.

ABC.AZ BFB-dən daxil olan məlumata görə, faizli təmin edilməmiş sənədsiz adlı istiqrazların sayı 350 ədəd, hər birinin nominal dəyəri 1000 manat, illik faiz dərəcəsi 14%, tədavül müddəti 540 gün, kupon faizlərinin ödəniş müddəti 90 gündən birdir.

Yerləşdirmənin başlanmasına ən azı 2 iş günü qalmış hərracın baş tutacağı tarix BFB-nin internet səhifəsində investorlara açıqlanacaqdır.

Yerləşdirmə üzrə anderrayter “Az-Finance İnvestisiya Şirkəti” QSC-dir.