16:50 - 23.11.2022

---

23 noyabr, Fineko/abc.az. 2022-ci ilin oktyabr ayında Rusiya vətəndaşları Türkiyədə 2 min 23 daşınmaz əmlak alıblar.

ABC.AZ xəbər verir ki, bu barədə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanı məlumat yayıb.

Məlumatda qeyd olunub ki, bu da 2021-ci ilin oktyabr ayı ilə müqayisədə 1 min 480 obyekt çoxdur. Belə ki, 2022-ci ilin yanvar-oktyabr aylarında Rusiya vətəndaşları Türkiyədə 11 min 334 daşınmaz əmlak satın alıblar.Bu da 2021-ci ilin eyni dövrü ilə müqayisədə 5 min 955 obyekt azdır.

2022-ci ilin oktyabr ayında Türkiyədə 102 min 660 əmlak satılıb ki, bu da 2021-ci ilin eyni dövrü ilə müqayisədə 25,3 faiz azdır.

Oktyabr ayında Türkiyədə əcnəbilərə 5 min 377 əmlak satılıb ki, bu da 2021-ci ilin eyni dövrü ilə müqayisədə 8,8 faiz azdır.