İpoteka Fondu hərrac keçirdi – 70 milyon manat cəlb edildi

23.11.2022,17:10


23 noyabr, Fineko/abc.az. 23 noyabr 2022-ci il tarixində Bakı Fond Birjasında İpoteka və Kredit Zəmanət Fondu ASC–nin AZ2068008682 ISIN-li, 70 milyon manat həcmində, 9360 gün tədavül müddətli istiqrazlarının yerləşdirilməsi üzrə hərrac yekunlaşıb.

ABC.AZ xəbər verir ki,  hərrac zamanı 1 investor tərəfindən 1 sifariş təqdim edilib.

Hərrac qiyməti 1000 manat olan sifarişlərin nominal qiymətlə ümumi məbləği 70 milyon manat olub. İstiqrazların nominal qiymətlə yerləşdirilmiş həcmi 70 milyon manat təşkil edib.

İstiqrazların  ödəmə tarixi 9 iyul 2048-ci ildir.