Paşinyanla Brüsseldə nəzərdə tutulmuş görüş keçirilməyəcək – İlham Əliyev

25.11.2022,14:09


25 noyabr, Fineko/abc.az. Dekabrın 7-də Brüsseldə Ermənistanın baş naziri Nikol Paşinyan ilə nəzərdə tutulan görüş keçirilməyəcək.

ABC.AZ xəbər verir ki, bunu Prezident İlham Əliyev noyabrın 25-də Bakıda keçirilən beynəlxalq konfransda çıxışında deyib.

Dövlət başçısı bildirib ki, dekabrın 7-də Brüsseldə görüşün keçirilməsi nəzərdə tutulurdu. “Lakin dünən Hikmət Hacıyev mənə məlumat verdi ki, onunla Şarl Mişelin ofisindən əlaqə yaradılıb. Bildirilib ki, Ermənistanın baş naziri həmin görüşə yalnız orada Fransa Prezidenti Emmanuel Makronun iştirak edəcəyi təqdirdə razılıq verə bilər. Bu isə o deməkdir ki, həmin görüş baş tutmayacaq” deyə İ.Əliyev qeyd edib.