“Ford” Rusiya bazarını tərk etdi – “Sollers” şirkəti onu əvəz edəcək

28.11.2022,12:19


28 noyabr, Fineko/abc.az. Rusiyanın “Sollers” avtomobil şirkəti yüngül kommersiya avtomobillərinin iki yeni modelinin kütləvi istehsalına başlayıb.

ABC.AZ xəbər verir ki, “Sollers” şirkətinin yüngül kommersiya avtomobilləri bazarında əhəmiyyətli bir paya sahib olmaq üçün iddialı planları var.

“Sollers” yüngül kommersiya avtomobilləri Rusiya bazarını tərk edən "Ford Transit"i əvəz edəcək. İlk yeni LCV-lərin satışı bu ilin dekabrında başlayacaq.

Ümumi çəkisi 2,5 tondan 4,2 tona qədər olan "Atlant" modelinin avtomobilləri 139 at gücündə və ya 150 at gücündə Avro 5 dizel mühərriki ilə təchiz edilir.