İlon Mask “Apple”a müharibə elan edib?

29.11.2022,10:11

29 noyabr, Fineko/abc.az. Twitter-in yeni sahibi İlon Mask ABŞ-ın texnologiya nəhəngi Apple-a “müharibə” elan edib.

ABC.AZ xəbər verir ki, Mask tvitində "Apple Twitter-də reklamını demək olar ki, dayandırıb.

“Onlar Amerikada söz azadlığına nifrət edirlər?" yazıb və Apple-ın Baş direktoru Tim Cook-u işarələyib.

Həmçinin Mask, Apple-ın Twitter-i şirkətin tətbiqini AppStore mağazasından silməklə hədələdiyini açıqlayıb.

İlon Mask Apple şirkətini tətbiq mağazasında edilən satışlardan haqq almaqda ittiham edib.

Mask bir sıra tvitlərində, Apple-ı öz mağazasındakı proqramların müəyyən məzmun standartlarına cavab verməsini tələb edərək söz azadlığını boğmaqda günahlandırıb və şirkətin Amerikada söz azadlığına nifrət edib-etmədiyini soruşub. Mask xüsusi olaraq Apple Baş direktoru Tim Cook-un Twitter hesabını bir tvitdə "burada nə baş verir" yazaraq işarələyib.