Azərkosmos bir ayda 2,4 milyon ABŞ dolları dəyərində xidmət ixrac edib

15:39 - 30 Noyabr 2022

30 noyabr, Fineko/abc.az. 2022-ci ilin yanvar-oktyabr aylarında “Azərkosmos” tərəfindən dünyanın 40 ölkəsinə 21,7 milyon ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac edilib.

ABC.AZ xəbər verir ki, bu, İqtisadi islahatların Təhlili və Kommunikasiya Mərkəzi (İİTKM) “İxrac icmalı”nın noyabr buraxılışında qeyd edilib.

Məlumata görə, “Azərkosmos”-un xidmət ixracından əldə etdiyi gəlir onun ümumi gəlirlərinin 81 faizini təşkil edib.

2022-ci ilin oktyabr ayında isə “Azərkosmos” dünyanın 36 ölkəsinə 2,4 milyon ABŞ dolları dəyərində xidmət ixrac edib.