Əvvəllər 80 minə satılan evlər indi 100 min manat olub - Ekspert

10:22 - 5.12.2022


5 dekabr, Fineko/abc.az.  Daşınmaz əmlak bazarında son bir neçə aydır ki, evlərin qiymətində kəskin bahalaşma müşahidə edilir.
ABC.Az-ın məlumatına görə, əvvəllər köhnə tikili binalarda iki otaqlı mənzillər 75-80 min manata təklif edilirdisə, hazırda 100 min manata belə mənzil tapmaq müşkülə çevrilib.
Əmlak məsələləri üzrə ekspert Ramil Osmanlı "Xəzər Xəbər"ə deyib ki, qiymət artımı təkcə yeni tikili evlərdə müşahidə edilmir. Onun sözlərinə görə, köhnə tikili 5 və 9 mərtəbəli binalardakı evlərdə də qiymət artımı var. Ekspert hesab edir ki, dünyada son vaxtlar baş verən hadisələr Azərbaycan bazarında mənzilə tələbi çoxaldıb. Bu da qiymət artımını qaçılmaz edib.
Ekspert deyib ki, həmin ölkə vətəndaşları Azərbaycanda ev alıb kirayə verməklə əllərində olan vəsaiti həm də bir növ sığortalamış olurlar.
Ramil Osmanlının sözlərinə görə, qarşıdakı aylarda mənzillərin qiymətində enmənin olması gözlənilmir.
Rieltor Həşim Qədirov vurğulayıb ki, köhnə tikili binalarda qiymət artımı heç vaxt bu həddə gəlib çıxmayıb.

Bütün xəbərlər