15:33 - 5.12.2022

---

5 dekabr, Fineko/abc.az.  Rusiya baş nazirinin müavini Aleksandr Novak bildirib ki, hazırda qlobal neft bazarı iki ay əvvəlkindən daha yaxşı vəziyyətdədir, lakin hələ də Çindəki koronavirusla bağlı çoxlu qeyri-müəyyənlik var.

ABC.AZ xəbər verir ki, Novak bunu “ Rossiya-24 ” telekanalına müsahibəsində deyib.

"Biz bazarın iki ay əvvələ nisbətən daha yaxşı vəziyyətdə olduğunu vurğuladıq, baxmayaraq ki, bir çox qeyri-müəyyənliklər var. Qeyri-müəyyənliklər - bir çox ölkələrdə yüksək inflyasiya, yüksək dövlət borcları, bir çox ölkələrin pul siyasətinin sərtləşdirilməsini əhatə edir. Vacib məqam, təbii ki, enerji resurslarının ən böyük alıcısı olan Çin Xalq Respublikasında vaxtaşırı təkrarlanan koronavirus epidemiyalarıdır”, - o,  bildirib.