Xaricdən gətirilən abtomobillərin daşıma qiymətləri bahalaşıb

06.12.2022,10:01

6 dekabr, Fineko/abc.az.  Xaricdən alınaraq ölkəmizə gətirilən avtomobillərin daşıma xərcləri kəskin bahalaşıb.

ABC.AZ xəbər verir ki, bu barədə "Xəzər Xəbər" məlumat yayıb. Qeyd edilib ki, ABŞ-dən avtomobillərin alınması və daşınması xidmətini göstərən şirkətlərdən birinin direktoru olan Hafiz Əmiraslanov deyib ki, son bir ildə daşıma qiymətləri 1000 dollara yaxın bahalaşıb.

Amerikadan alınan avtomobillərin daşıma müddəti 2-4 ay çəkir. Şirkət nümayəndələri avtomobil alarkən əlavə maddi ziyana düşməmək üçün bəzi nüanslara diqqət etməyi tövsiyə edirlər.

Qeyd edək ki, hazırda xüsusilə ən çox ABŞ və Koreya bazarlarından ikinci əl avtomobillər alınaraq ölkəyə daşınır.