Azərbaycanda sərnişin və yük daşınması xidmətlərinin vergitutma mexanizmi təkmilləşdiriləcək

11.06.2018,16:04


11 iyun, Fineko/abc.az. Nəqliyyat, Rabitə və Yüksək Texnologiyalar Nazirliyi  və Vergilər Nazirliyi nəqliyyat xidmətləri sahəsində vergitutma mexanizminin təkmilləşdirilməsi üzrə danışıqlar aparır.

Nazirliyinin Dövlət Avtomobil Nəqliyyatı Xidmətinin rəisi Həbib Həsənov bildirib ki, danışıqlar Vergilər Nazirliyi ilə dövlət xidməti arasında aparılır.

“Danışıqların mövzusu sərnişin və yük daşınması sahəsində vergitutma mexanizminin təkmilləşdirilməsidir.  Təkmilləşdirmə təklifləri vergi ödəməkdən yayınmağın qarşısını almaq, həmçinin müasir informasiya və rabitə xidmətlərindən istifadə etməklə vergilərin vaxtında və tam şəkildə toplanmasını nəzərdə tutur”, - deyə Həbib Həsənov bildirib.