18:48 - 11.06.2018

---

11 iyun, Fineko/abc.az. Rezidenturaya qəbul imtahanının II mərhələsində iştirak etmək üçün namizədlərin qeydiyyatı 14 iyun saat 23:59-dək uzadılıb. Qeydiyyatdan keçməyən namizədlər ixtisas fənləri üzrə biliklərin qiymətləndirilməsi imtahanına buraxılmayacaqlar.

Rezidenturaya qəbul olmaq üçün baza fənləri üzrə biliklərin qiymətləndirilməsi imtahanında (I mərhələ) müsabiqə şərtini ödəmiş (40 və daha çox bal toplamış) namizədlər ixtisas fənləri üzrə biliklərin qiymətləndirilməsi imtahanında (II mərhələ) iştirak etmək üçün tələb olunan məbləği (100 AZN) “Şəxsi kabinet”lərinin hesabına əlavə edib 14 iyun saat 23:59-dək qeydiyyatdan keçməlidirlər.

11 iyun saat 17:30-dək olan məlumata əsasən, imtahanda iştirak etmək hüququ olan 631 namizəddən 591 nəfəri imtahanın II mərhələsində iştirakını təsdiq etmişdir. Qeydiyyatdan keçməyən namizədlər ixtisas fənləri üzrə biliklərin qiymətləndirilməsi imtahanına buraxılmayacaqlar.

İxtisas üzrə biliklərin qiymətləndirilməsi imtahanı iyulun 8-də keçiriləcəkdir.