Ərdoğan: TANAP layihəsi sayəsində Xəzərin təbii qazı ilk dəfə Avropaya çatacaq

13.06.2018,10:54


13 iyun, Fineko/abc.az. Türkiyə prezidenti Rəcəb Tayyib Ərdoğan TANAP layihəsinin açılış mərasimində çıxış etdi.

Tədbirdə çıxış edən Türkiyə prezidenti Rəcəb Tayyib Ərdoğanın sözlərinə görə, TANAP layihəsi sayəsində Xəzərin təbii qazı ilk dəfə Avropaya çatacaq.

“Bu, bölgənin zəngin enerji resurslarını Avropaya çatdırmaq üçün ilk cəhd deyil. Biz Bakı-Tbilisi-Ceyhan boru kəməri layihəsindən bu yola başlamışıq və Azərbaycan və Gürcüstanla strateji tərəfdaşlığımızı Azərbaycan qazının Türkiyəyə tədarük edildiyi Bakı-Tbilisi-Ərzurum layihəsi ilə davam etdirmişik. Bizim əməkdaşlığımız yalnız enerji layihələri ilə məhdudlaşmırdı. Azərbaycan Prezidenti İlham Əliyevlə birlikdə strateji əhəmiyyət daşıyan Bakı-Tbilisi-Qars dəmir yolu layihəsini reallaşdırdıq. Bununla da biz London ilə Çin arasında əlaqə qurduq. TANAP, bizim ümumi görüşümüzün ən yeni  nəticəsidir. Enerji bazarının dəyişikliklərinə və tələblərinə cavab verən bu layihə gələcəkdə yeni layihələrin carçısıdır”, - deyə prezident bildirib.

Türkiyə prezidenti həmçinin söylədi ki, TANAP layihəsinin istifadəyə verilməsi Türkiyənin enerji mərkəzi olmaq və yüzlərlə müəssisəni işlə təmin etmək üçün  daha bir addım olacaq.

 

Açar sözlər: TANAP Erdogan