12:23 - 18.01.2023

---

18 yanvar, Fineko/abc.az. 2022-ci ildə federal büdcə kəsiri 3,3 trilyon rubl və ya ÜDM-in 2,3%-ni təşkil edib.

ABC.AZ Rusiya mətbuatına istinadən xəbər verir ki, bu barədə Rusiya prezidenti Vladimir Putin iqtisadi məsələlərlə bağlı iclasda bildirib.

O qeyd edib ki, bu kəsir səviyyəsi G20 ölkələri arasında ən yaxşı göstəricilərdən biridir.

Dövlət başçısı vurğulayıb ki, ümumilikdə federal büdcənin gəlirləri ötən il 10% artaraq 27,8 trilyon rubl təşkil edib. Eyni zamanda, xərclər də 25% artdı və 31 trilyon rublu ötdü.

Bununla yanaşı, Putin 2022-ci ildə inflyasiyanın 11,9% olduğunu, Mərkəzi Bankın və hökumətin proqnozlaşdırdığından az olduğunu qeyd edib.

“Hesablamalara görə, artıq bu ilin ikinci rübündə inflyasiya 4%-lik hədəf səviyyəsindən aşağı düşə bilər. Mən bu yaxınlarda dedim ki, birinci rübdə biz 5%-ə, sonra isə ikinci rübdə, bəlkə də 4%-dən aşağı düşəcəyini gözləyirik”, - deyə, bildirib.