17:09 - 18 Yanvar 2023

---

18 yanvar, Fineko/abc.az. Azərbaycanda avtomobillərin icbari sığortası ilə bağlı yaranan problem yaxın günlərdə həll ediləcək.

Azərbaycan Sığortaçılar Assosiasiyasından (ASA) ABC.AZ-a verilən məlumata görə, Mərkəzi Bank (AMB), Azərbaycan Sığortaçılar Assosiasiyası (ASA) və İcbari Sığorta Bürosu (İSB) sığorta xidmətlərinin elektron şəkildə alınmasının təmin edilməsi üçün əsaslı tədbirlər görüb.

Belə ki, Azərbaycan Mərkəzi Bankının sığorta sektorunda atdığı addımların nəticəsi olaraq, ölkədəki istənilən avtomobil sahibi 21 yanvar tarixindən etibarən Avtonəqliyyat vasitəsi sahiblərinin mülki məsuliyyətinin icbari sığortası növü üzrə elektron qaydada və heç bir çətinlik ilə üzləşmədən sığortalana biləcək.