Neft ucuzlaşır, Brent bir barelə $87,34 təşkil edir

09:23 - 23.01.2023


23 yanvar, Fineko/abc.az. Neftin etalon markalarının qiyməti ötən həftənin sonunda artdıqdan sonra bazar ertəsi ticarətində azalır.

London İCE Futures birjasında Brent markalı neftin mart fyuçerslərinin dəyəri saat 09:20-də $0,29 (0,33%) azalaraq bir barelə $87,34-a düşüb. 20 yanvar ticarətinin nəticələrinə görə, Brent markalı neftin mart fyuçersləri $1,47 (1,71%) artaraq bir barelə $87,63-a yüksəldi.

Saat 09: 20-də Nyu-York əmtəə birjasının (NYMEX) elektron ticarətində WTI neftinin mart fyuçerslərinin dəyəri $0,24 (0,29%) azalaraq bir barelə $81,40-a düşüb. 20 yanvar ticarətinin nəticələrinə görə, mart neft fyuçerslərinin qiyməti $1,03 (1,28%) artaraq bir barelə $81,64-a yüksəldi.

Ötən həftə Brent markalı neft 2,76%, WTI isə 1,91% bahalaşıb.

Bütün xəbərlər