Dəmir yolu nəqliyyatı ilə yük və sərnişin daşımaları artıb - Hesabat

10:56 - 23 Yanvar 2023


23 yanvar, Fineko/abc.az. Ötən il dəmir yolu nəqliyyatı ilə 18,7 milyon ton yük, 5136,5 min sərnişin daşınıb.

Bu göstərici 2021-ci illə müqayisədə yük daşınmasında 24,3 faiz, sərnişin daşınmasında isə 81,8 faiz artımın olduğunu sübut edir.

Dövlət Statistika Komitəsindən ABC.AZ-a bildirilib ki, orta hesabla sutkada 337 vaqon yüklənib, 395 vaqon isə boşaldılıb. Sutka ərzində dəmir yolunun Şimal istiqaməti üzrə 16 min ton, Qərb istiqaməti üzrə 3,4 min ton, Cənub istiqaməti üzrə isə 0,8 min ton yüklənmə işi yerinə yetirilib.