14:03 - 23 Yanvar 2023

---

23 yanvar, Fineko/abc.az. Azərbaycanda müharibə iştirakçılarına verilən 80 manat sosial müavinətin artıb-artmayacağı ilə bağlı geniş müzakirələr gedir.

ABC.AZ xəbər verir ki, əsasən müharibədə iştirak etmiş insanlar və onların yaxınlarının narahatlığına səbəb olan bu məsələ ilə bağlı çoxsaylı müraciətlər daxil olub.

Əmək və Əhalinin Sosial Müdafiə Nazirliyindən bildirilib ki, müharibə veteranlarının sosial müdafiəsinin gücləndirilməsi daim diqqətdə saxlanılır və ötən ilin əvvəlindən bu kateqoriyadan olan şəxslərə Prezidentin aylıq təqaüdünün təyinatı aparılıb:

"Eyni zamanda müharibə iştirakçıları digər istiqamətlərdə, eləcə də məşğulluq sahəsində dəstək tədbirləri ilə əhatə olunur, onların aktiv məşğulluq proqramlarına cəlb edilməsi üçün geniş miqyasda işlər aparılır. Ardıcıl xarakter alan sosial islahatlar çərçivəsində qarşıdakı dövrdə də müharibə veteranlarının sosial müdafiəsi diqqətdə saxlanacaq".