14:31 - 23 Yanvar 2023

---

23 yanvar, Fineko/abc.az. Xəbər verdiyimiz kimi, Milli Məclisdə iş yerlərində çalışanların süni şəkildə işdən çıxarılması məsələsindən danışılıb.

ABC.AZ xəbər verir ki, məsələ barədə məlumat verən Parlamentin Əmək və sosial siyasət komitəsinin üzvü Məlahət İbrahimqızı 65 yaşı tamam olan müəllim, həkimlər avtomatik işdən çıxarıldığını vurğulayıb:

“Halbuki Avropada həkimləri 70 yaşına qədər işdə saxlayırlar. Həkim 65 yaşından sonra harada işləsin?! Həkim 320 manat pensiya alır. Bununla necə yaşasın?! Pensiyaya çıxan müəllim və tibb işçilərinin ehtiyac olan bölgələrdə işlə təmin olunmasını təklif edirəm”.

Komitə sədri Musa Quliyev də M.İbrahımqızının çıxışına cavab olaraq vurğulayıb ki, yaş limitinə qarşıdır:

“Əgər həmin şəxs işində peşəkardırsa, fəaliyyətini davam etdirə bilər və kimsə buna mane ola bilməz. Yaz sessiyası müddətində keçirilməsi nəzərdə tutulan əmək münasibətləri ilə bağlı dinləmələrdə bu məsələni də qaldıra bilərik”.