Yük avtomobilləri üçün 20 dollarlıq icazə sənədini 2000 dollara satırlar - Deputat

15:53 - 24 Yanvar 2023

24 yanvar, Fineko/abc.az. Azərbaycanda yük avtomobillərinin ydaşımalarla məşğul olması üçün rəsmi qiyməti 20 dollar olan icazə sənədi “qara bazar”da qat-qat baha qiymətə satılır.

ABC.AZ xəbər verir ki, bu barədə millət vəkili, Milli Məclisin İqtisadi siyasət, sənaye və sahibkarlıq komitəsi sədrinin müavini Məşhur Məmmədov komitənin iclasında bildirib.

Komitədə yük daşımaları ilə bağlı “Avtomobil nəqliyyatı haqqında” və digər qanunların müzakir  edildiyi iclada millət vəkili bu sahədəki problemə toxunub.

“Yük avtomobillərinin daşımalarla məşğul olması üçün rəsmi qiyməti 20 dollar olan icazə sənədi “qara bazar”da 400-500 dollara, bəzən hətta 2000 dollara satılır”.

Millət vəkili bildirib i, bu da nəqliyyaat sektorundakı monopoliyanın göstəricisidir. Onun sözlərinə görə, məsələni araşdırmaq lazımdır və icazə sənədləri daha şəffaf şəraitdə və ədalətli bölünməlidir.

“Maraqlanmq lazımdır ki, sərhədi hansı maşınlar keçirlər. Baxsaq görərik ki, bir maşın il ərzində sərhədi 40 dəfə keçir, başqa maşın isə heç 1 dəfə də keçmir. Bunu araşdırmaq və statistikanı aparmaq çətin deyil” deyə deputat bildirib.