“Atəşgah” və “Atəşgah Həyat” şirkətlərində yeni təyinatlar

16:58 - 24 Yanvar 2023

24 yanvar, Fineko/abc.az. “Atəşgah” və “Atəşgah Həyat” Sığorta Şirkətlərində yeni Baş direktor vəzifələri təsis edilib.  

ABC.AZ xəbər verir ki, "Atəşgah" Sığorta Şirkətinin baş direktor vəzifələrinə Mustafayeva Ayla Elman qızı, İsgəndərova Könül Elman qızı, Əliyev Elvin Mirİsmayıl oğlu, “Atəşgah Həyat” Sığorta Şirkətinin baş direktor vəzifəsinə isə Həsənova Şəfəq Oqtay qızı təyin ediliblər.

Qeyd edək ki, peşəkar fəaliyyətinə 2003-cü ildən başlayan Mustafayeva Ayla "Atəşgah" Sığorta Şirkətinin Tibbi və həyat sığortası şöbəsində mütəxəssis və şöbə müdiri, Sığorta idarəsinin şəxsi sığorta növləri şöbəsinin və Korporativ satış idarəsinin rəisi vəzifələrini layiqincə icra etmişdir.

İsgəndərova Könül 2010-cu ildən etibarən "Atəşgah" Sığorta Şirkətinin İşlərin idarəedilməsi şöbəsinin mütəxəssisi, Kargüzarlıq şöbəsinin aparıcı mütəxəssisi və baş mütəxəssisi, İdarə Heyəti sədrinin müşavirinin köməkçisi, İdarə Heyəti sədrinin müşaviri vəzifələrini layiqincə icra etmişdir.