Ötən il Bankların kredit portfeli 17 faizdən çox artıb - Hesabat

12:10 - 27 Yanvar 2023

27 yanvar, Fineko/abc.az. Dekabr ayında bankların kredit portfelinin dinamikasında əhəmiyyətli dəyişiklik olmayıb.

ABC.AZ Mərkəzi Banka  istinadən xəbər verir ki, bankların cəmi kredit portfelində biznes kreditlərinin payı 55,4 faiz (10 milyard 855,1 milyon manat) təşkil edib.

Ümumilikdə, 2022-ci ildə bankların kredit portfeli 17,6 faiz və ya 2 milyard 935,2 milyon manat artıb.

Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı ilin əvvəlinə nəzərən 1,3 faiz bəndi azalaraq 2,9 faiz təşkil edib.