İndiyədək Qarabağın bərpasına 6 milyard manatdan çox vəsait xərclənib

17:31 - 30 Yanvar 2023

30 yanvar, Fineko/abc.az. Son 2 ildə Azərbaycanın işğaldan azad olunmuş ərazilərinin bərpasına dövlət büdcəsindən 6,5 milyard manat vəsait xərclənib.

ABC.AZ report-a istinadən xəbər verir ki, bu barədə Maliyyə Nazirliyi məlumat yayıb.

Xatırladaq ki, 2023-cü ildə Qarabağın bərpası və yenidən qurulması üçün dövlət büdcəsində nəzərdə tutulmuş vəsaitin 3 milyard manat olması nəzərdə tutulur. Bu, 2022-ci ilin təsdiq olunmuş proqnozu ilə müqayisədə 12,4% çoxdur.

Bu il sözügedən xərclərin büdcə xərclərində xüsusi çəkisi 9%, ümumi daxili məhsulda (ÜDM) xüsusi çəkisi isə 2,8 % təşkil edəcək.