14:52 - 2.02.2023

---

2 fevral, Fineko/abc.az. Bankın daşınmaz əmlak kreditlərində 4,4% və ya 3 milyon 325 min manat geriləmə qeydə alınıb. Bununla da daşınmaz əmlak kreditlərinin həcmi son bir ildə 75 milyon 823 min  manatdan 72 milyon 498 min manata düşüb.

Xəbər verdiyimiz kimi, “Yelo Bank” ötən ilin maliyyə göstəriciləri ilə bağlı hesabat açıqlayıb.

ABC.AZ xəbər verir ki, “Yelo Bank”ın istehlak kreditlərinin həcmi son bir ildə 41 milyon 896 min manat və ya 37,6% artaraq 111 milyon 553 min manatdan 153 milyon 449 min manata yüksəlib.

“Yelo Bank”ın xalis kredit portfeli isə 2021-ci ilin sonu ilə müqayisədə 43,9% və ya 178 milyon 97 min manat artıb. Belə ki, 2021-ci ilin son rübündə xalis kreditlər 405 milyon 255 min manat olduğu halda, 2022-ci ilin sonunda bu göstərici 583 milyon 352 min manat təşkil edib.

2022-ci ildəki dəyişikliklərdən sonra «Yelo Bank»ın kredit portfelində kreditlərinin payı 58%-dən 63,7%-ədək yüksəlib.

Müəllif: Elmir Murad