15:41 - 2.02.2023

---

2 fevral, Fineko/abc.az. “Hazırda Azərbaycanın enerji diplomatiyası qarşısında yeni vəzifə və tapşırıqlar müəyyən edilib. Cənub Qaz Dəhlizi Məşvərət Şurası çərçivəsində nazirlərin ötənilki iclasında qarşıya qoyulan vəzifələrin həyata keçirilməsi baxımından yaxşı nəticələr əldə olunub”.

ABC.AZ xəbər verir ki, bu barədə Prezident İlham Əliyev Cənub Qaz Dəhlizi Məşvərət Şurası çərçivəsində nazirlərin 9-cu iclasında iştirak etmək üçün Bakıya gələn ABŞ Dövlət katibinin enerji diplomatiyası üzrə müavininin müşaviri xanım Laura Loxmanla görüşündə bildirib.

İclasda səmərəli müzakirələrin aparılacağına əminliyini ifadə edən dövlətimizin başçısı vurğulayıb ki, Cənub Qaz Dəhlizinin qoyduğu bünövrə bərpa olunan enerji sahəsində əməkdaşlıq üçün əlverişli imkanlar yaradıb.