09:03 - 6 Fevral 2023

---

6 fevral, Fineko/abc.az. Ötən həftənin nəticələrinə görə etalon markaların qiyməti bazar ertəsi ticarətində 7%-dən çox azaldıqdan sonra yüksəlir.

Londonun ICE Futures birjasında Brent markalı neftin aprel fyuçerslərinin dəyəri saat 09:00-da $0,24 (0,30%) artaraq bir barelə $80,18-a çatıb. 3 fevral ticarətinin nəticələrinə görə, Brent markalı neftin aprel fyuçersi $2,23 (2,71%), bir barelə $79,94-a qədər ucuzlaşdı.

Saat 09:00-da Nyu-York əmtəə birjasının (NYMEX) elektron ticarətində WTI neftinin mart fyuçerslərinin dəyəri $0,14 (0,19%) artaraq bir barelə $73,53-a yüksəldi. Fevralın 3-də keçirilən hərracların nəticələrinə görə, WTI neftinin mart fyuçerslərinin qiyməti bir barelə $2,49 (3,28%) azalaraq $73,39-a düşüb.

Ötən həftənin nəticələrinə görə, Brent markalı neft 7,48%, WTI isə 7,89% ucuzlaşıb.