Ötən il qızıl hasilatı plandan artıq icra edilib

14:12 - 6 Fevral 2023

6 fevral, Fineko/abc.az. Xəbər verdiyimiz kimi, “AzerGold” QSC 2022-ci ildə 63,3 min unsiya qızıl və 207,7 min unsiya gümüş satıb.

ABC.AZ xəbər verir ki, bunu “AzerGold” QSC-nin İdarə Heyətinin sədri Zakir İbrahimov deyib.

Ötən il hasilat göstəriciləri 62,1 min unsiya qızıl (2021-ci illə müqayisədə artım 1%), 223,1 min unsiya gümüş (artım 66%) olmaqla, qızıl hasilatı plandan 2 faiz, gümüş hasilatı 83 faiz daha artıq icra edilib.

"Eyni zamanda, qarşıdakı illər ərzində hasilat və istehsalat göstəricilərinin daha da yaxşılaşdırılması üçün şərait yaradılıb”, - deyə Z.İbrahimov əlavə edib.