“Dell” 6 mindən çox işçisini ixtisar edəcək

17:19 - 6.02.2023

6 fevral, Fineko/abc.az. ABŞ-ın fərdi kompüter istehsalçısı “Dell” məhsullarına tələbatın azalması səbəbindən təxminən 6 min 650 nəfəri və ya ştatının 5%-ni işdən çıxaracaq.

ABC.AZ xəbər verir ki, bu barədə Bloomberg şirkətin əməliyyat direktorlarından biri Ceff Klark bildirib.

"Şirkət qeyri-müəyyən gələcəklə pisləşməyə davam edən bazar şərtləri ilə üzləşir" deyə Klark bildirib.

Onun sözlərinə görə, ixtisarlar Dell işçilərinin ümumi işçi sayının təxminən 5%-ni və ya təxminən 6,65 min nəfəri təşkil edəcək.

İlkin məlumatlara əsasən, son rübdə dünyada fərdi kompüterlərin satışı kəskin azalıb və iri şirkətlər arasında ən çox azalma Dell-də olub - 2021-ci ilin eyni dövrü ilə müqayisədə 37%. Dell gəlirinin təxminən 55%-ni fərdi kompüterlərdən götürür.