Azərbaycandan Türkiyə banklarına zəlzələ üçün ianələrdən komissiya tutulmur

14:16 - 8 Fevral 2023

8 fevral, Fineko/abc.az. Türkiyənin Fövqəladə Halların İdarə Olunması Agentliyinə (AFAD) Azərbaycan bankları vasitəsilə ianələrə komissiya tutulmur.

ABC.AZ Apa-ya istinadən xəbər verir ki, bunu açıqlamasında Azərbaycan Banklar Assosiasiyasının sədri Zakir Nuriyev deyib.

O bildirib ki, Azərbaycanda fəaliyyət göstərən banklar bununla bağlı birgə qərara gəlib.

Qərara əsasən, həm AFAD-ın hesabına birbaşa kartla ödəmələrdə, həm də banklar vasitəsilə digər köçürmələrdə əlavə dəyər vergisi və komissiya tutulmur.