İki ayda Azərbaycan vətəndaşları Türkiyədə bu qədər mənzil alıb

11:02 - 17.03.2023


17 mart, Fineko/abc.az. 2023-cü ilin yanvar-fevral aylarında Türkiyədə Azərbaycan vətəndaşları tərəfindən 138 mənzil satın alınıb.

ABC.AZ xəbər verir ki, bu barədə TurkicWorld-ə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından bildirilib.

Müqayisə üçün qeyd edək ki, bu ötən ilin eyni dövrü ilə müqayisədə 44 mənzil azdır.

"Fevral ayında Türkiyədə Azərbaycan vətəndaşları tərəfindən 73 mənzil satın alınıb ki, buda 2022-ci ilin eyni ayı ilə müqayisədə 20 mənzil azdır" - deyə qurum tərəfindən bildirilib.

Qeyd edək ki, 2023-cü ilin fevral ayında Türkiyədə 80 min 31 mənzil satın alınıb ki, bu da 2022-ci ilin fevral ayı ilə müqayisədə 18 faiz azdır.

Bütün xəbərlər