Dövlət xətti ilə verilən ipoteka kreditlərinin ümumi məbləği 2,5 milyard manatı keçib

15:39 - 17.03.2023

17 mart, Fineko/abc.az. İpoteka və Kredit Zəmanət Fondu (İKZF) 43 295 borcalana 2 milyard 506,041 milyon manat kredit verib.

ABC.AZ xəbər verir ki, bu barədə məlumat İKZF-nin açıqlamasında öz əksini tapıb.

Bundan başqa, qurum bəyan edib ki, indiyə qədər 349,759 milyon manat məbləğində biznes kreditlərinə zəmanət verilib, 3 287 mənzil isə kirayəyə vermək yolu ilə realizə edilib.

Xatırladaq ki, Fond 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşməsi nəticəsində yaradılıb və onların hüquqi varisidir. Fond milli maliyyə təsisatlarına uzunmüddətli subsidiyalaşdırılmış ipoteka kreditlərinin verilməsi və ucuz maliyyə resurslarına çıxışın təmin edilməsi ilə bağlı likvidlik dəstəyini verən dövlət agenti kimi fəaliyyət göstərir.