Bu amil ABŞ iqtisadiyyatının tənəzzülünü yaxınlaşdıracaq

10:59 - 27.03.2023


27 mart, Fineko/abc.az. ABŞ-ın bank sistemindəki vəziyyət hələ də müzakirə olunmaqdadır.

ABC.AZ xəbər verir ki, bu dəfə FED-in Minneapolis üzrə sədri Nil Kaşkari bu barədə danışıb.

O qeyd edib ki, “Silicon Valley Bank”ı və “Signature Bank”ın uğursuzluqları ilə nəticələnən bank sistemindəki son gərginliklərin aradan qaldırılması üçün vaxt lazımdır və bu gərginlik ABŞ iqtisadiyyatını tənəzzülə yaxınlaşdıracaq:
“Biz bilirik ki, uzunmüddətli xəzinə veksellərinə məruz qalan və kitablarında müddətli riski olan başqa banklar da var. Bununla yanaşı, bank sektoruna da yansıyacaq bir çox kommersiya və daşınmaz əmlak itkiləri var. Ona görə də bu prosesin tam aydınlaşması üçün vaxt lazımdır. Bank sektorundakı son gərginlik bizi mütləq tənəzzülə yaxınlaşdırır. Bu kredit böhranı iqtisadiyyatı yavaşlatacaq”.

Bütün xəbərlər