“Azərkosmos” dünyanın 39 ölkəsinə xidmət ixrac edib

14:10 - 31.03.2023


31 mart, Fineko/abc.az. 2023-cü ilin yanvar-fevral aylarında Azərbaycanın Kosmik Agentliyi (Azərkosmos) dünyanın 39 ölkəsinə 3,6 milyon ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac edib.

ABC.AZ “İxrac icmalı”nın mart sayına istinadən xəbər verir ki, “Azərkosmos”un xidmət ixracından əldə etdiyi gəlir ümumi gəlirlərinin 80 faizini təşkil edib.

2023-cü ilin fevral ayında isə “Azərkosmos”un dünyanın 39 ölkəsinə 1,8 milyon ABŞ dolları dəyərində xidmət ixrac edib.

Cari ilin iki ayı ərzində peyk telekommunikasiya və optik peyk xidmətlərinin ixracının ilk beşliyində isə 813,3 min ABŞ dolları ilə Birləşmiş Krallıq,  698,3 min ABŞ dolları ilə Lüksemburq, 534,1 min ABŞ dolları ilə Fransa, 294,8 min ABŞ dolları ilə BƏƏ və 169,4 min ABŞ dolları ilə Almaniya qərarlaşıb.

Bütün xəbərlər