“Azərbaycan Dəmir Yolları”na dövlət büdcəsindən daha 100 milyon manat çatacaq

22.06.2018,12:07

22 iyun, Fineko/abc.az. Parlamentin İqtisadi Siyasət, Sənaye və Sahibkarlıq Komitəsi  bu gün 2018-ci il dövlət büdcəsinin düzəlişini müzakirə edir.

Maliyyə naziri Samir Şərifov iclas zamanı bildirib ki, “Azərbaycan Dəmir Yolları” QSC-nə dövlət büdcəsindən əlavə olaraq 100 milyon manat köçürüləcək.

“Bu vəsait şirkətin nizamnamə kapitalının artırılması, “Şimal-Cənub” layihəsinin həyata keçirilməsi, həmçinin Bakı-Böyük Kəsik yolunun kommunikasiya və siqnalizasiya sisteminin yenidən qurulması üçün ayrılacaq”, - nazir belə deyib.