10:14 - 15.05.2023

---

15 may, Fineko/abc.az. 2022-ci ildə saatlıq əmək haqqı ən çox Litva, Estoniya və Xorvatiyada artıb.

Asayis.Az xəbər verir ki, bu barədə Eurostatın məlumatında qeyd edilib. Belə ki, 2022-ci ildə Avropa Birliyi ölkələri üzrə orta saatlıq əmək haqqı 22,9 avro təşkil edib. Bu 2021-ci illə müqayisədə 4,4% artıqdır.

Avro zonasında ittifaqın bütün ölkələri arasında saatlıq əmək haqqı artıb. Ən az artım İtaliya, Malta və Finlandiyada (hər biri +2,3%) baş verib.

Ən çox artım isə Litvada (+13,4%), Estoniyada (+8,8%) və Xorvatiyada (+8,7%) baş verib.

Avro zonasından kənarda olan Avropa Birliyi ölkələrində də saatlıq əmək haqqı bütün ölkələrdə artıb.

Ən az artım Danimarkada (+2,2%) və İsveçdə (+3,0%), ən çox isə Macarıstanda (+16,4%), Bolqarıstanda (+15,5%), Rumıniyada (+12,3%) və Polşada (+11,7% artıb.