Mənfəət vergisini vaxtından əvvəl ödəyən banklar

14:55 - 26.05.2023

26 may, Fineko/abc.az. Azərbaycanda fəaliyyət göstərən 25 bankdan 10-u mənfəət vergisi ödəmək üçün ilin sonunu gözləməyib.

ABC.AZ "Renkinq"-ə istinadla xəbər verir ki, bunlar, "Azərbaycan Beynəlxalq Bankı" (ABB), "Kapital Bank", "PAŞA Bank", "Bank of Baku", “Bank Respublika”, "Xalq Bank", "Express Bank", “Azər-Türk Bank” və “Azərbaycan Sənaye Bankı” (ASB) ASC-lər, eləcə də "Yapı Kredi Bank Azərbaycan" QSC-dir.

Adları çəkilən banklar bu ilin yanvar-mart aylarında dövlət büdcəsinə ümumilikdə 68,379 milyon manat mənfəət vergisi ödəyiblər. Bu baxımdan ən yüksək göstərici ABB-də (25,6 milyon manat), ən aşağı göstərici isə ASB-də (289 min manat) qeydə alınıb.