“Qarabağ” futbol klubu 3 milyon 305.2 min manat xalis mənfəət əldə edib

14:19 - 30.05.2023


30 may, Fineko/abc.az. “Qarabağ” futbol klubunun gəlirləri kəskin artıb.

ABC.AZ klubun maliyyə hesabatına istinadən xəbər verir ki, "Qarabağ" bütün xərclərini qarşılayandan sonra 3 milyon 305.2 min manat xalis mənfəət əldə edib.

Klubun hesabatına görə, onun cəmi əməliyyat gəlirləri 30 milyon 0.3 min manat olmaqla 2021-ci ili 84 faiz üstələyib.

Klubun gəlirlərdəki bu qədər kəskin yüksəlişə nümayiş hüququndan daxilolmaların 2021-ci ildə 15 mln. 916.1 mln. manat olduğu halda, 2022-ci ildə 25 mln. 427.9 min manata yüksəlməsidir. Klubun bilet satışından gəlirləri 1 mln. 405.5 min manat olub, lakin 2021-ci ildə bu rəqəm tərtib edilməyib ki müqayisə edilə bilsin.

“Qarabağ” FK ötən il 14 milyon 585.8 min manat (2021: 11 mln. 450.6 min manat) əməkhaqqı və mükafatlara xərc çəkib. Cəmi əməliyyat xərcləri 26 mln. 584.2 min manat (19 mln. 804.2 min manat) olub.

Bütün xəbərlər