Türk Hava Yolları və Dövlət Dəmir Yolları satılacaq?

10:16 - 31.05.2023

31 may, Fineko/abc.az. Türkiyənin bir neçə dövlət şirkətinin satıla biləcəyi ilə bağlı yayılan iddialar təkzib olunub.

ABC.AZ Türkiyə mətbuatına istinadən xəbər verir ki, qardaş ölkədə yeni yaradılan "Dezinformasiya ilə Mübarizə Mərkəzi" bu barədə açıqlama yayıb.

Açıqlamaya əsasən, "BOTAŞ, Türk Hava Yolları və Dövlət Dəmir Yolları satılacaq" iddiası doğru deyil. "Sözügedən təşkilatlar heç bir ölkə və ya şirkətə satılmır", - deyə açıqlamada bildirilib.

Adıçəkilən şirkətlərin beynəlxalq nüfuza malik olduğu vurğulanıb və bu şirkətlərlə bağlı əsassız spekulyasiyalara etibar etməmək tövsiyə olunub.