14:08 - 31.05.2023

---

31 may, Fineko/abc.az. Azərbaycanda bir çox iri Banklar var ki, orada dövlətin depozitləri mövcuddur. Dövlət həmin Banklardan depizitini çəkərsə orada maliyyə durumu heç də ürəkaçan olmayacaq.

Bunu ABC.AZ-a ekspert Oruc İbrahimov açıqlamasında deyib.

Onun sözlərinə görə, hazırda Azərbaycandakı top 5-də olan Banklar var ki, ora dövlət tərəfindən böyük həcmdə depoiztlər qoyulub və bəhs olunan əmanətlər hesabına həmin Banklar hazırda fəaliyyət göstərir:

"Məsələn Dövlət Neft Fondunun depozitləri var bəzi Banklarda. Məhz Neft Fondu və digər dövlət depozitləri hesabına bir çoxu mənfəətə çıxa bilir. Dövlət tərəfindən həmin əmanətlər çəkilsə o Bankların taleyi heç də yaxşı olmaz. Əslində bu bir növ Banklara dövlətin dəstəyi deməkdir. Dövlət məhz bu yolla Banklara dəstəyini göstərir. Bir məsələni də qeyd edim ki, hazırda ölkədə əhalinin maliyyə savadlılığı da aşağı səviyyədədədir. Bu istiqamətdə də işlər görülür və bildiyim qədəri ilə Mərkəzi Bank hazırda buna ciddi nəzarət edir".