Gömrükçülərin saxladığı mallar hərracda satışa çıxarıldı

10:52 - 8.06.2023


8 iyun, Fineko/abc.az. Əmlak Məsələləri Dövlət Xidməti (ƏMDX) və Dövlət Gömrük Komitəsinin (DGK) “Azərterminalkompleks” Birliyi ilk dəfə birlikdə gömrükdə müsadirə edilərək dövlət mülkiyyətinə keçirilmiş malların və nəqliyyat vasitələrinin satışı üzrə hərrac keçirib.

ABC.AZ Əmlak Məsələləri Dövlət Xidmətinə istinadən xəbər verir ki, gömrükdə müsadirə edilən malların satışı üzrə iki hərrac keçirilib, hər iki hərrac mayın 31-də baş tutub.

Hərracda müsadirə edilmiş, habelə şəxslərin dövlətin xeyrinə imtina etdiyi dövlət mülkiyyətinə keçirilmiş mallar və nəqliyyat vasitələrinə 95 lot üzrə 240 sifariş verilib, 75 lot üzrə 151 295 manat dəyərində mallar və nəqliyyat vasitələri satılıb.

Hərraca avtomobillər, o cümlədən zirehli inkassator avtomobili,  qoşqular, avtomobil hissələri, eləcə də yanmış avtomobillər və geyyim əşyaları çıxarılıb.

Bütün xəbərlər