"Mercedes-Benz" şirkətinin Azərbaycandaki distribütoru cərimələnir

10:56 - 9.06.2023

9 iyun, Fineko/abc.az. "Avtokapital-Azərbaycan" MMC barəsində 2 cərimə protokolu yazılıb.

ABC.AZ-ın məlumatına görə, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 485.2-ci maddəsi ilə inzibati protokollar tərtib edilib.

Sözügedən maddəyə əsasən, mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi zamanı cərimə protokolu yazılır. Qeyd edək ki, protokollar baxılması üçün Yasamal Rayon Məhkəməsinə göndərilib.

“Avtokapital-Azərbaycan” MMC "Mercedes-Benz" şirkətinin Azərbaycandaki yeganə rəsmi distribütorudur.